«Real» ÝEFA Sýperkýbogyn jeńip aldy
ASTANA. QazAqparat - Fýtboldan Eýropanyń tusaýkeser oıynynda Chempıondar lıgasynda top jarǵan «Real» men Eýropa lıgasynda úzdik atanǵan «Manchester ıÝnaıted» komandalary kezdesti, dep jazady prosports.kz.
Komandalar maýsymǵa áli tolyqqandy daıyn emestigine qaramastan Makedonııa astanasy Skopege jınalǵan jankúıerlerge tartymdy oıyn kórsete aldy.
Kezdesýdi MıÝ oıynshylary óte belsendi bastaǵanymen degenderine jete almaı jatty. Ýaqyt óte oıyn tizginin tolyqqandy óz qoldaryna alǵan madrıdtik komanda birneshe qaýipti shabýyl uıymdastyra aldy. «Real» qatarynan tirek qorǵaýshy Kazemıro erekshe kózge tústi. Alǵashqy soqqysy qaqpa baǵanynan qaıtqanymen kelesi bir soqqysy qaqpada týlady. Osylaısha birinshi taım 1-0 esebimen «Realdyń» paıdasyna sheshildi.
Ekinshi taım bastalysymen aǵylshyndyq komanda qaqpalaryna ekinshi goldy jiberip aldy. Bul joly MıÝ qorǵaýshylary Iskodan kóz jazyp qalǵan bolatyn.
Qaqpalaryna eki gol jibergen soń baryp MıÝ oıynshylary esin jıǵandaı boldy. Alańǵa jańadan qosylǵan oıynshylar da aǵylshyndyq komandanyń oıynyna qan júgirtti. Komandaǵa osy jazda «Evertonnan» kelip qosylǵan Lýkaký esep aıyrmasyn qysqartyp komandasyna úmit otyn jaqqandaı kórindi. Alaıda «Real» oıynshylary kezdesý sońyna deıin ózderine kerek esepti saqtap, ÝEFA Sýperkýbogynyń ıegeri atandy.
«Real» - «Manchester ıÝnaıted» - 2:1 (1:0)
Goldar: Kazemıro 22, Isko 53 - Lýkaký 65.
«Real»: Navas, Karvahal, Ramos, Varan, Marselo, Kazemıro, Kroos, Modrıch, Isko (Vaskes 76), Beıl (Asensıo 75), Benzema (Ronaldý 83).
Bas bapker: Zınedın Zıdan.
«Manchester ıÝnaıted»: De Hea, Valensııa, Smollıng, Lındelef, Darmıan, Matıch, Errera (Fellaını 58), Pogba, Lıngard (Reshford 46), Mhıtarıan, Lýkaký.
Bas bapker: Joze Moýrıno.
Eskertý alǵandar: Lıngard 41, Karvahal 85, Ramos 87, Reshford 90+6.
