«Real» stadıonynan jarylys qaýpinen adamdar kóshirildi
ASTANA. QazAqparat - Madrıdtik «Real» arenasy - «Santıago Bernabeý» stadıony mańynan tabylǵan bomba jarylýy qaýpinen adamdar kóshirildi, dep habarlady «Rossııskaıa gazeta».
Klýbtyń resmı Tvıtteri habarlaǵandaı, jarylǵysh zat qalanyń temirjol vokzaly janyndaǵy qoqys salatyn jáshikten tabylǵan.
Ispandyq BAQ-tyń habarlaýynsha, polıtsııa bombany zararsyzdandyrdy, zardap shekkender joq.
«Real» arenasy 1947 salynǵan, ol «koroldik klýb» prezıdenti Santıago Bernabeýdiń esimimen atalǵan, ol basqarǵan tusta (1943-1978) madrıdtikter alty eýropalyq chempıondar kýbogyn jeńip aldy jáne kóptegen elishilik jarystarda jeńiske jetti.
«Santıago Bernabeýde» alǵashqy matchty komanda 1947 jyly 14 jeltoqsanda portýgaldyq «Belenenseshpen» ótkizdi (3:1). Arenaǵa 85 600 kórermen sııady. Stadıon 1964 jylǵy Eýropa chempıonatynyń fınalyn jáne 1982 jylǵy ǵalamshar birinshiligin qabyldady. «Santıago Bernabeýde» sondaı-aq tórt ret (1957, 1969, 1980 jáne 2010 jyldarda) chempıondar lıgasy ótti.
