«Real» resmı túrde Zıdannyń ketkenin jarııalady
NUR-SULTAN. QazAqparat – Madrıdtik «Real» Zınedın Zıdannyń komandanyń bas jattyqtyrýshysy qyzmetinen ketkenin jarııalady, dep habarlaıdy QazAqparat.
«Zıdannyń sheshimin qurmetteýimiz kerek, onyń kásibıligine, adaldyǵyna jáne osy jyldar ishindegi oıyndar úshin bar kúsh-jigerin jumsaǵanyna, sondaı-aq «Real Madrıd» úshin mańyzǵa ıe bolǵanyna alǵys bildiremiz», — delingen komandanyń resmı saıtynda jarııalanǵan málimdemede.
Zıdan «Realdy» 2016 jyldan 2018 jylǵa deıin basqardy, sodan keıin 2019 jyly «koroldik klýbtyń» jattyqtyrýshysy boldy. Onyń basshylyǵymen madrıdtik klýb eki ret Ispanııa chempıony (2016/17, 2019/20), eki ret eldiń Sýperkýbogyn jeńip aldy (2017, 2019/20), úsh ret (2015/16, 2016/17, 2017/18) Chempıondar lıgasynyń jeńimpazy atandy, eki ret (2016, 2017) ÝEFA Sýperkýbogyn enshiledi jáne eki ret (2016, 2017) álem chempıonatynyń jeńimpazy boldy.
Aıaqtalǵan Ispanııa chempıonatynyń qorytyndysy boıynsha «Real» týrnır kestesinde ekinshi orynǵa jaıǵasty. Komanda chempıonatta altyn jeńip alǵan madrıdtik «Atletıkodan» eki upaı artta qaldy.
