«Real» musylman-jankúıerler úshin klýb emblemasyn ózgertti
ASTANA. 15 sáýir. QazAqparat - Ispan fýtbol klýby «Real Madrıd» musylman-jankúıerleri úshin 1920 jyldan beri kele jatqan krest belgisin alyp tastaýdy uıǵardy.
«Alaman» agenttiginiń málimetinshe, atalǵan kresti Ispanııa koroli Alfonso XIII óziniń klýbqa degen qamqorlyǵy retinde syıǵa tartqan bolatyn. Klýb basshylyǵynyń aıtýynsha, mundaı qadam Eýropalyq jáne Taıaý Shyǵys musylmandary arasynda «Realdyń» tanymaldylyǵyn nyǵaıtý úshin jasalǵan.
Krest máselesi jaıly pikirtalas naýryz aıynyń sońynda, naqtyraq aıtqanda BAÁ elinde Real Madrid Island Resort týrıstik ortalyǵynyń irgetasyna alǵashqy tas qoıylǵannan keıin týǵan bolatyn. Real Madrıd klýbynyń basshylyǵy men ámirlik basshysy sheıh Saýd bın Sakr al-Kasımıdiń qol qoıǵan kelisim-shartqa sáıkes ıspan klýby óz emblemasynan krest belgisin alyp tastaýǵa mindetti-mis.
Esterińizge sala ketsek, budan buryn taǵy bir ıspandyq fýtbol klýby - »Barselona» Katarda ornalasatyn demeýshi qorynyń talabyna sáıkes óz emblemasyndaǵy kresten aıyrylǵan bolatyn.
Endigi kezek ıtalıandyq klýbqa da jetýi múmkin. „Mılan Inter" klýbynyń 100 jyldyq mereıtoıyna oraı jasalǵan emblemasyna (aq fonǵa qyzyl krest engizgen) qarsy ıtalııandyq klýbqa narazylyq bildirmek oımen Barıs Kaska atty túrik advokaty UEFA-ǵa shaǵymdandy. Advokattyń shaǵym berýiniń sebebi atalǵan emblema musylman qaýymyna «krest joryǵyna qatysýshylardyń tańbasyn» eske salady-mys.
