«Real» men «Chelsı» fýtbolshylary qytaı lıgasyna umtylýda
ASTANA. QazAqparat - Eýropalyq jetekshi komandalardyń oıynshylary Qytaıǵa zer sala bastaǵanyna biraz boldy.
Bul rette, «Aspan asty eline» ketýge úzdik klýbtardyń fýtbolshylary talpynýda, dep habarlaıdy «QazAqparat» tilshisi.
Jańa kelisimshart boıynsha «Koroldik klýbtyń» usynysyna kóńili tolmaǵan madrıdtik «Real» komandasynyń qorǵaýshysy Pepe Qytaı chempıonatyna ótýge sheshim qabyldady. Ataýy ázirge qupııa qalyp otyrǵan klýbtardyń biri Pepemen jylyna 15 mln. eýro jalaqymen úshjyldyq kelisim jasaýǵa daıyn.
«Real» 34 jastaǵy qorǵaýshyǵa aǵymdaǵy maýsymnyń sońynda aıaqtalatyn birjyldyq kelisimshart jasasýdy usyndy. Bul shart «Galaktıkostyń» bas quramasyndaǵy ornyn onsyz da áldeqashan joǵaltyp alǵan portýgaldyqtyń kóńilinen shyqpady.
Pepeniń jazdan bastap qaı komandada oınaıtyny belgisiz bolsa da, «Chelsıdiń» shabýylshysy Dıego Kosta qaıda aýysatyny týraly ózi aıtyp berdi. Ispanııa quramasynyń shabýylshysy mansabyn «Tıantszın Tsıýantszıan» qytaı klýbynda jalǵastyrady.
Kosta Qytaıda jylyna 30 mıllıon eýro tabys tabatyn bolady, al «Chelsı» óz fýtbolshysyna 90 mln. eýro alady. Osy maýsymda Dıego Kosta Anglııa chempıonatynda 32 match ótkizip, 19 gol soqty.
