«Real» men «Atletıko» jańa oıynshylardy tirkeý quqyǵynan aıyryldy
ASTANA. QazAqparat - Halyqaralyq fýtbol federatsııasy madrıdtik «Real» men «Atletıkoǵa» jańa oıynshylardy tirkeýge tyıym saldy. Bul týraly jergilikti basylymdar jazdy, dep habarlaıdy rg.ru saıty.
Federatsııa eki transferlik kezeńge tyıym salyp otyr. Klýbtar jańa fýtbolshylardy tirkeýge ótinish berýde reglamentti buzǵan. Bul aqparat resmı túrde búgin habarlanady dep kútilýde.
Buǵan deıin «Barselonǵa» osyndaı shekteý salynǵan bolatyn. Katalondyqtardyń da 2016 jyldyń qańtar aıyna deıin jańa oıynshylardy tirkeý quqyǵy bolmaǵan.
FIFA madrıdtik klýbtardyń bir jylǵy transferlik saıasatyn zerdelegen. Tekserý kezinde aıryqsha jaǵdaı bolmasa 18 jasqa tolmaǵan oıynshylardy almaý jónindegi talaptardyń saqtalýy qadaǵalanǵan. Sonymen qatar, FIFA Ispanııa fýtbol federatsııasyna ulttyq birinshiliktegi kámeletke tolmaǵan legıonerlerdiń barlyǵyna qatysty qujattardy suratýda.
