«Real Madrıdke» qarsy jınaqy oıyn kórsetkimiz keledi – «Qaırattyń» bas bapkeri

ALMATY. KAZINFORM –  «Qaırat» fýtbol klýbynyń bas bapkeri Rafael Ýrazbahtın «Real Madrıdke» qarsy oıynnan ne kútetinin aıtty.

Fýtboldan el birinshiligi aıasynda ótken matchta «Qaırat» elordalyq «Jeńisti» 3:1 esebimen óz alańynda jeńdi. Matchtan keıingi baspasóz máslıhatynda almatylyq klýbtyń jattyqtyrýshysy «Sportıngke» qarsy ótken oıyndy qorytyndylap, ıspanııalyq klýbqa qarsy kezdesýge daıyndyq týraly aıtty.

— Qandaı nátıje tabysty bolady? Árıne, jeńis – bul tabysty nátıje. Degenmen, biz úshin nátıjege baılanyp qalmaı, oıynǵa kóńil bólý mańyzdy. Eger Lıssabondaǵy oıyndy alsaq, keı sátterde biz jaman oınaǵan joqpyz. Iá, qarsylas bizden deńgeıi áldeqaıda joǵary, biraq jigitterimiz ózderin kórsetti. ıAǵnı, keı tustarda biz jaqsy kórindik jáne birneshe sát boldy. Bir gol soqtyq — qarsylastyń kúshin eskersek, muny úlken alǵa ilgerileý dep sanaımyz, - dedi bapker.

Onyń aıtýynsha, «Real Madrıd» — deńgeıi odan da joǵary qarsylas.

— Árıne, bizdiń oıynymyz jınaqy bolyp, aldyńǵy oıynda sekildi olqylyqtar bolmasa deımiz. Biz kóp kúsh jumsap, bir sátte oıynnan shyǵyp kettik. Neni aıtqym kelip tur? Mundaı qarsylastarmen barynsha sergek bolý kerek. Eger sharshasań, oıyn barysynda jınalyq tómendep ketedi. Olarmen oınaý óte qıyn. Sondyqtan bul – mańyzdy sát: búkil match saq ári sergek bolý kerek. «Realǵa» qarsy munda múlde basqa kórinis bolady dep úmittenemin, biz anaǵurlym uıymdasqan oıyn kórsetpekpiz. Ekinshi taımnyń alǵashqy 15 mınýty («Sportıngke» qarsy) – biz alǵashqy mınýttardan bastap kórsetkimiz keletin fýtbol. Sondyqtan biz soǵan kóbirek umtylamyz, — dedi ol.

Eske salaıyq, «Qaırat» — «Real Madrıd» matchyna bıletter búgin saǵat 17:00-de satylymǵa shyǵady.