«Real Madrıd» Joze Moýrınony jeńispen shyǵaryp saldy
ASTANA. 2 maýsym. QazAqparat - Moýrıno «Real» komandasyndaǵy sońǵy oıynyn jeńispen aıaqtady. Al «Barselona» bolsa kestedegi jalpy upaı sanyn júzge jetkizdi.
Sońǵy týr úzdikter úshin asa qatty mańyzdy bolmaǵanymen aýtsaıderler úshin sheshýshi kezdesýler ótti. Qaýipti aımaqqa baryp qaıtqan «Selta» keler jylyda Ispan prımerasynda oınaıtyn boldy. «Malorka», «Deportıvo» jáne «Saragosa» prımeramen qosh aıtysty. Sońǵy oıyndar bireýge jeńis, endi bireýlerge jeńilis. Jalǵyz Negredonyń ózi 4 dop soǵyp, «Valensııany» chempıondar lıgasyna beriletin joldamadan qaqty. Al keler jyly chempıondar lıgasynda «Real Sosedad» oınaıtyn bolady. Bul sońǵy týrdyń nátıjesi. «Alaman» Ispanııa birinshiligine sholý jasady.
«REAL MADRID» - «OSASÝNA» 4:2 (2:0).
Madrıd. «Santıago Bernabeý» alańy. Tóreshi: Peres Lasa (Andoaın).
Goldar: Igýaın 35 (1:0), Essen 39 (2:0), Torres 52 (2:1), Sehýdo 63 (2:2), Benzema 70 (3:2), Kalehon 87 (4:2).
Bapkerge tıesili ataq-dárejeniń barlyǵyna ıe bolǵan ańyz bapker Joze Moýrıno «Real» komandasyndaǵy sońǵy oıynyn ótkizdi. Sońǵy kezdesýine jospar qurdy, taktıkalyq turǵydan, fızıkalyq kúshten «koroldik» komandanyń oıynshylaryn daıyndady. Ókinishtisi «Realdan» ketetin jyly báriniń astań-kesteńi shyqty. Oıy kúıredi. Chempıondar lıgasynda qara basty, kýboktyń fınalynda jańyldy, prımerada aldyna «Barsany» shyǵaryp aldy. Bıyl joldary bolmady. Ázirge úzdik sanalatyn qos portýgaldyq (Moýrınıý men Ronaldý) Eýropa shyńyn baǵyndyra alatyn emes. Moýrıno az eńbek sińirgen joq, talaıdan beri basyn kórsetpeı kele jatqan Ispanııanyń kýbogyn utyp alyp berdi, ishki birinshilikte top jardy. Qarapaıym «Portýmen» ǵana Eýropa shyńyn baǵyndyrǵan bapker endigi maýsymyn «Chelsıde» ótkizbek. Bul sońy emes. Ańyz bapkerler tizimine erte jazylǵan bapker keshe ǵana úlken fýtboldan qımastyqpen qoshtasqan Fergıýsondaı bolmasa bıyl barlyq kýbokty utyp alyp, baqty bastaryna qondyrǵan «Bavarııanyń» bapkeri Haınkesten abyroımen qoshtasatynyna senimdimiz.
Moýrıno «Real» komandasyndaǵy sońǵy oıynyn «Osasýnaǵa» qarsy ótkizdi. Komandasy belsendi qımyldady. Ronaldýsyz alańda dop teýip júrgen áriptesteri orynyn joqtatpaýǵa tyrysyp baqty. Otyz besinshi mınýtta Igýaın esep ashty, artynsha maýsymda qosalqy quramda jıi qalyp qoıatyn Essen, esepti eseledi. Essen osy joly negizgi quramda oınady.
Ekinshi taımda alań ıeleriniń jany murynynyń ushyna biraq keldi. Keletindeı-aq!. Torres elý besinshi mınýtta, Sehýdo alpys úshinshi mınýtta gol salyp, esepti teńestirdi. Tarazy basy teńesti. Dál jetpisinshi mınýtta alańda aıryqsha oıynymen kózge túsip júrgen Benzema gol saldy. Ýaqyttyń seksen jetinshi mınýtynda Kalehon búkil oıynǵa núkte qoıdy, «Real» Moýrınony jeńispen shyǵaryp saldy.
«BARSELONA» - «MALAGA» 4:1 (3:0).
Barselona. «Kamp Noý» alańy. Tóreshi: Aısa Games (Valensııa).
Goldar: Vılıa 4 (1:0), Fabregas 14 (2:0), Montoııa 16 (3:0), Inesta 52 (4:0), Morales 56 (4:1).
«Barselona» mereıli merekesin toılap jatyr. Júz upaı jınap Ispan prımerasyn baǵyndyrdy. Baıyrǵy qarsylasy «Realdy» jáne madrıdtik «Atletıkony» artqa tastady.
«SARAGOSA» - «ATLETIKO» 1:3 (0:0).
Saragosa. «La Romareda» alańy. Tóreshi: Haver Estrada Fernandes (Lerıda).
Goldar: Arda Turan 84 (0:1), Poshtıga 89 (1:1), Kosta 90 (1:2), Kosta 90+1 (1:3).
«SEVILЬıA» - «VALENSIıA» 4:3 (2:1).
Sevılıa. «Ramon Sanches Pıshýan» alańy. Tóreshi: Karlos Gomes (Saragosa).
Goldar: Banega 12 (0:1), Negredo 40 (1:1), Negredo 44 penaltı (2:1), Soldado 56 (2:2), Negredo 57 (3:2), Negredo 61 (4:2), Soldado 88 (4:3).
