«Real Madrıd» jańa maýsymda qoqystan jasalǵan qyzyl jeıdemen oınaıdy
ASTANA. QazAqparat - Keshe Nıý-Iork qalasynda Ispanııanyń «Real Madrıd» klýby jáne «Adıdas» kompanııasy komandanyń 2018/19 jylǵy maýsymda kıetin jeıdeniń úshinshi - qyzǵysh tústi toptamasyn tanystyrdy, dep habarlaıdy «QazAqparat» HAA tilshisi klýbtyń resmı saıtyna silteme jasap.
Jeıdelerdi «Adıdas» kompanııasy álemdik muhıttyń plastıkten lastanýynan qorǵaý jónindegi Parley uıymymen birlese otyryp shyǵarǵan. Jańa tıptegi jeıdelerdi tigý úshin shıkizat retinde muhıttar men teńizderdiń jaǵalaýlarynan jınalǵan plastık bótelkeler, bir rettik ydystar, paketter, t.b. qoqystar paıdalanylǵan.
«Biz Parley jeıdelerimen oınaý týraly alǵash ret 2016 jyly kelisim jasasqan bolatynbyz. Endi jańa maýsymda osy jeıdelerdi paıdalanamyz. Biz qorshaǵan ortanyń lastanýy problemasyna muqııat qaraýymyz qajet», - deıdi klýbtyń ınstıtýtaralyq baılanystar jónindegi dırektory Emılıo Býtrageno.
Jańa jeıdeler klýbtyń resmı saıtynda 89,95 AQSh dollarymen satylyp jatyr. Al áıelderge arnap tigilgen nusqasy - 79,95 dollar, balalar jeıdesi 64,95 dollar turady.
