«Real Madrıd» klýby karantınge jabyldy, La Lıga toqtady
NUR-SULTAN. QazAqparat - «Real Madrıd» klýby basketbol komandasynyń bir múshesinen COVID-19 vırýsy tabylýyna baılanysty klýb túgeldeı karantınge jabyldy, dep habarlaıdy QazAqparat tilshisi klýbtyń resmı saıtyna silteme jasap.
«Basketbol jáne fýtbol komandalary «Real Madrıd» sport qalashyǵynyń bir ǵımaratynda ornalasqandyqtan, qos komandanyń barlyq múshesi oıynshylarmen qosa karantınge jabyldy» delingen habarlamada.
Klýbtyń búkil qyzmetkeri karantınge jiberiledi.
Fýtboldan Ispanııa chempıonaty – La Lıga toqtatyldy. Lıga Twitter akkaýnty resmı málimdeme jasady.
Kelesi 28-týr oıyndary qashan ótetini ázirge belgisiz.
