«Real Madrıd» Ispanııa kýbogynda tómengi lıganyń komandasynan jeńilip qaldy

ASTANA. KAZINFORM - «Real Madrıd» fýtbol klýby  2025/26 jylǵy maýsymdaǵy Ispanııa kýbogynda «Albasete» komandasynan jeńilip, jarysty 1/8 fınalda aıaqtaýǵa májbúr boldy.  

«Albasete» komandasy qazir Ispanııanyń ekinshi lıgasy sanatyndaǵy Segýndada oıyn kórsetedi.

Kezdesý barysynda koroldik klýb sapynda alǵashqy mınýttan negizgi quramnyń birneshe oıynshysy jasyl alańǵa shyqqan joq. Dese de bapkerler quramy Vınısıýs Jýnıor, Arda Gıýler, Federıko Valverde syndy úzdikterge senim bildirdi. Ekinshi kezeńde Davıd Alaba, Edýardý Kamavınga, Danıel Karvahal quramdy tolyqtyrdy. Soǵan qaramastan kezdesý barysynda madrıdtik fýtbolshylar qarsylasyna 2:3 esebimen ese jiberdi.

Koroldik klýb sapynan Franko Mastantýono men Gonsalo Garsııa mergendigimen kózge tússe, «Albasete» komandasynan Havı Vılıar men Hefte Betankor (eki gol) gol soqty. Osylaısha ıspanııalyq maman Alvaro Arbeloa «Real Madrıd» bas bapkeri qyzmetindegi alǵashqy oıynynda jeńilistiń aşy dámin tatty. Ol Ispanııa sýperkýbogyndaǵy sátsizdikten keıin qyzmetinen ketken Havı Alonsony almastyrǵan edi.

Aıta ketsek, Ispanııa sýperkýbogynda madrıdtik komanda qarsylasyna 2:3 esebimen jeńilip qalǵan bolatyn. 

Eske salsaq, budan buryn fýtboldan Afrıka kýbogynyń fınalısteri belgili bolǵanyn jazdyq.