«Real Madrıd» fýtbolshylary Almatyǵa kele jatyr
ALMATY. KAZINFORM – «Real Madrıd» Qazaqstanǵa sapar aldynda oıynshylardyń sýretterin jarııalady.
Klýbtyń resmı Instagram paraqshasynda jarııalanǵan sýretterden fýtbolshylardyń áýejaıda ekenin jáne Almatyǵa ushýǵa daıyndalyp jatqany baıqaýǵa bolady. Sýretterde Kılıan Mbappe, Vınısıýs Jýnıor, Djýd Bellıngem, Arda Gúler, Franko Mastantýono, Rodrıgo, Tıbo Kýrtýa, Endrık Felıpe jáne Danı Sebalos kórinedi.
Komandany uzaq sapar kútip tur — Qazaqstannyń ońtústik astanasyna deıingi jol shamamen segiz saǵatqa sozylady.
Eske salaıyq, match aldynda «Qaırat» fýtbol klýbynyń bas bapkeri Rafael Ýrazbahtın komandanyń daıyndyǵy týraly aıtty.
Sondaı-aq Backstreet Boys kontsertinen keıin Ortalyq stadıon kógaly qandaı jaǵdaıda ekenin jazǵanbyz.
Bul match qazaqstandyq jankúıerler arasynda erekshe qyzyǵýshylyq týdyryp otyr. Oıyn bıletteri satylymǵa shyqqannan keıin sanaýly saǵattarda satyldy.
Ticketon kommýnıkatsııalar dırektory Azamat Atageldiniń aıtýynsha, satylymnyń sharyqtaý sheginde platformada bir mezette 1 mln qoldanýshy bolǵan.