«Real Madrıd» eń qymbat fýtbolshysyn satpaq
ASTANA. QazAqparat - Ispanııanyń «Real Madrıd» klýby kezinde rekordtyq somaǵa satyp alǵan ýelstik jartylaı qorǵaýshy Garet Beıldi satýy múmkin, dep habarlaıdy El Confidencial basylymy.
Ispandyq BAQ-tyń habarlaýynsha, madrıdtikterdiń bas bapkeri Zınedın Zıdan men klýb prezıdenti Florentıno Peres Beıldiń fızıologııalyq jaǵdaıyna alańdaı bastaǵan. Óıtkeni 2013 jyly 14 qyrkúıekte madrıdtikter sapynda alǵashqy matchyn ótkizgennen beri 65 kezdesýde komandasyna kómek bere almaǵan.
Ótken aptada AS gazetiniń jýrnalısteri Garet Beıldiń Madrıdke kelgeli alǵan 18 jaraqaty týraly ınfografıka usynǵan bolatyn. Jaraqattyń kópshiligin fýtbolshy sol aıaq bulshyqetteri men tizesinen alǵan. Sońǵy kúnderi Zıdan Beıldiń densaýlyǵyna qatty alańdaýshylyq bildirip, bul jaıly prezıdent Perespen áńgimelesken eken. Biraq klýb basshysy bul jaıly áli eshqandaı sheshim qabyldamaǵan. El Confidencial-dyń jazýyna qaraǵanda, klýb basshylyǵyndaǵylar bul transferden 101 mıllıon eýro tabýdy josparlap otyr.
