«Real» klýby ataqty Eden Azar úshin «Chelsı» komandasyna €120 mln usynyp otyr
ASTANA. QazAqparat - Ispandyq fýtbol klýby "Real" aǵylshyndyq "Chelsı" komandasynyń jartylaı qorǵaýshysy Eden Azar úshin €120 mıllıon qarjy berý jóninde usynys daıyndaýda.
Bul týraly The Sun basylymy jazdy.
Budan buryn 26 jastaǵy belgııalyqtyń ákesi Le Soir basylymyna bergen suhbatynda «Azar 2020 jyly bitetin "Chelsımen" aradaǵy kelisimshartty uzartýdan bas tartqandyǵyn» aıtqan bolatyn. «Realdaǵylar» osy jaǵdaıdy paıdalanyp, jartylaı qorǵaýshymen kelisimshart jasaýǵa nıettenip otyr.
Ataqty fýtbolshy "Chelsı" men "Stoka" arasyndaǵy sońǵy matchqa (5:0) qatysqan joq.
Aıta keter bolsaq, Azar 2012 jyldan beri «Chelsıde» quramynda oınap keledi. Ol osy maýsymda 26 matchqa qatysyp, 8 gol saldy.
