«Real», «TsSKA», «Barselona» syndy álemdik ataqty klýbtarǵa qarsy tura alatyn «Astana» prezıdenttik klýby quryldy
«Astana» prezıdenttik kásibı sport klýby - elimizdiń barlyq tanymal sporttyq jobalaryn, sonyń ishinde "Astana" ortaq belgisimen óner kórsetetin "Astana" velokomandasyn, "Astana" rallı-komandasyn, "Qazaqstan Barysy" qazaqsha kúresti damytý qoryn, "Astana" basketbol klýbyn, "Astana" fýtbol klýbyn, "Astana Arlans" kásibı boks klýbyn, "Astana" sý doby sport klýbyn, "Barys" hokkeı klýbyn toptastyrǵan joba. Al Olımpıada oıyndarynyń eki dúrkin chempıony Ilıa Ilındi qarjylandyrý jeke joba retinde kiredi.
"Bizdiń maqsatymyz - "Real", "TsSKA", "Barselona" jáne taǵy basqa álemdik ataqty klýbtar sııaqty ulttyq sporttyq klýb jasaý", - dep atap ótti Qor basshysy.
"Bul, Qazaqstanda kásibı sportty basqarýdyń ozyq ári sapaly qadamy. Mysaly, ıspandyq "Real" mýltısporttyq klýby óziniń quramyna fýtbol, basketbol, gandbol sport klýbtaryn biriktiretin, sonymen qatar sporttyq jattyqtyrý ınfraqurylymy, telearna men basylymy bar iri klýb. Osyndaı tásil álemde óz jemisin berýde", - dedi Ó.Shókeev.
"Astana" prezıdenttik kásibı sport klýbyna eldiń ımıdjdik sport jobalary enetin bolady. Atap aıtqanda, "Astana" birlesken brendi astynda jumys isteıtin velosport, basketbol, fýtbol, boks, avtosport, sý polosy sporttary bolady. Olardyń basty maqsaty elimizdiń tanymaldylyǵyn álemdik arenada tanytý bolyp tabylady", - dep túıdi sózin Qor basshysy.
Sondaı-aq "Astana" prezıdenttik kásibı sport klýbynyń qataryna qabyldaý barysynda "Samuryq-Qazyna" AQ men sport klýbynyń jetekshileri arasynda Yntymaqtastyq týraly memorandýmǵa qol qoıyldy.
