«Real» Chempıondar lıgasynyń jartylaı fınalynda «Atletıkony» jeńdi
ASTANA. QazAqparat - Chempıondar lıgasynyń birinshi jartylaı fınaldyq matchynda eki madrıdtik komandalar - «Real» men «Atletıko» kezdesip, «Real» «Atletıkony» 3:0 esebimen oısyrata jeńdi, dep habarlaıdy «QazAqparat» HAA.
«Santıago Bernabeýdegi» oıynnyń onynshy mınýtynda Krıshtıaný Ronaldý alań ıelerin alǵa bastady. Ronaldý Eýropa Kýbogynyń pleı-off kzeńinde 50 gol salǵan alǵashqy fýtbolshy boldy. Al oıynnyń birinshi taımy 1:0 esebimen aıaqtaldy.
Úzilisten soń «Real» oıynda basymdyq tanytýyn jalǵastyra berdi, Ronaldý bolsa gol salýyn toqtatpady. Nátıjesinde onyń komandasy qarsylastarynan áldeqaıda myqty ekendikterin kórsetti. Esep 3:0. Bul esep «Atletıkony» fınalda óner kórsetýi úshin qajetti sońǵy múmkindikten aıyrdy. Qarymta kezdesý 10 mamyr kúni ótedi.
