«Real» Beılge 100 mln. eýro, Sýareske 45 mln. eýro berýge ázir

Massımılıano Allegrı bapkerdiń «Romaǵa» degen sapary sátsiz aıaqtaldy. Kelismge kelmek bolǵan bapkerdiń nıeti oryndalmady. Ol «Mılanda» qaldy. Al «Mılannyń» bapkeri bolyp «rossonerıdiń» ańyz oıynshylarynyń biri Zeadorftyń keletindigi jalǵan sóz boldy. «Qasqyrlardyń» ázirge bapker izdeýi ármen qaraı jalǵasýda. Belgili bapker Loran Blan «Bordonyń» bapkeri boldy. Endeshe «Romaǵa» kerek bapker tabylmaǵan syńaıly.

«Fıorentına» klýby aǵylshyndyq «Vest Bromvıchtyń» jartylaı qorǵaýshysy ıÝssýf Mýlýmbany satyp alýǵa nıetti. Ol úshin 5 mln. eýrony berýge ázir. Aǵylshyndyq klýbtyń bas bapkeri Stıv Klark oıynshyny saqtap qalǵysy keledi. Biraq Mýlýmbanyń óz komandasymen aradaǵy kelsim-shartty uzartýdan bas tartty. Bálkim «Fıorentınanyń» oıynshysy bolyp qalar.

Mahachkalalyq «Anjıdiń» dırektory brazılııalyq Roberto Karlos komandamen qoshtasty. Dańqty qorǵaýshy endi túrkııalyq «Sıvasspordyń» bas bapkeri bolmaq. Klýb basshylyǵy Karlospen resmı túrde kelisimge keldi.

«Monako» fýtbol klýby osyǵan deıin Falkao, Moýtınıý jánede Rodrıgespen kelisimge kelgendigin jaqsy bilemiz. Endigi «Monakonyń» nysanasyna ilikken oıynshy brazılııalyq Fernando bolyp otyr. Fernando úshin 20 mıllıon eýro tólemek.

Danı Karvahal «Baıerden» «Realǵa» qaıtyp oraldy. 21 jastaǵy oıynshy ózin kórsetip, jaqsy oıynymen jankúıerdi súısinte bildi.

Sunday Times-tiń bergen aqparatyna súıensek, «Real» Garet Beıl úshin 100 mıllıon eýro berýge ázir. Kúnnen-kúnge qymbattap bara jatqan Beıl de «Realǵa» barýǵa nıetti. Bul aýysym shynymen júzege asyp jatsa, onda Beıl, transferlik quny boıynsha Ronaldýdyń aldyna túspek.

Jazǵy aýysym barysynda qatty shyǵyndalatyn klýbtardyń biri «Real» bolyp tur. Beıldiń baǵasyn ósirdi, endigi kóziderine ilikken oıynshy aǵylshyn alańynda jasyndaı jarqyraǵan Lýıs Sýares. Ýrýgvaılyq shabýylshy úshin «koroldik» klýb 45 mıllıon eýrony berýge daıyn.

«Sevılıa» fýtbol klýbynyń jáne Ispanııa quramasynyń oıynshysy Hesýs Navas «Manchester Sıtı» fýtbol klýbynyń qataryn tolyqtyrmaq. Navas úshin aǵylshyndyq klýb 30 mıllıon eýro bermek. Bul týrasynda Navastyń pikiri de, oıy da kelise ketti.

Italııa quramasynyń qaharmandarynyń biri bolǵan Djennaro Gattýzo óz otanyna qaıtyp oralmaq. Onyń ústine súıikti «A Serııasynda» baǵyn synap kórmek. Oıynshy esebinde emes, bapker retinde. Gazetta Dello Sport-tyń jarııalaýynsha Gattýzo «Palermo» komandasynyń búgin bapkeri bolyp taǵaıyndaldy.

Rımdik «Roma» jańa bapker ǵana emes, jańa oıynshylardy da izdep jatyr. «Qasqyrlar» qazirden «Ýdıneze» komandasynyń qorǵaýshysy Mehjı Benatııýnmen kelisimge kelý úshin baryn salyp jatyr. Atalǵan qorǵaýshyny óz qatarlaryna qosqysy kelip otyrǵan tek «Roma» ǵana emes, tizimde «Napolı», «Mılan» da bar.

Pablo Osvaldo úshin bolar talas-tartysta «Inter» klýby aıanyp qalar emes. 27 jastaǵy oıynshy úshin baryn bermek. Osvaldo osy aýysym barysynda «Romanyń» qatarynan ketpek. Osvaldoǵa qyzyǵýshy klýbtardyń qatary kóp. «ıÝventýs», «Napolı», «Fıorentına», «Nıýkasl», «Tottenhem» jáne de «Atletıko» syndy bedeldi, belsendi klýbtar bar. Osvaldonyń qazirgi belgilengen sommasy 14-15 mıllıon eýro.

«Realdyń» qataryna bir maýsymǵa jalǵa berilgen oıynshy Maıkl Essen klýbtan ketti. Ganalyq oıynshy qaıtyp «Chelsı» sapyna kelip qosyldy. «Realdaǵy» ár kúnin baqytqa balap, erekshe áser alǵandyǵyn, qımastyqpen qoshtasqany týraly óziniń tvıtterdegi paraqshasynda jazdy.

Aǵylshyndyq «Chelsı» fýtbol klýbynyń bapkeri bolyp Joze Moýrınıý resmı túrde taǵaıyndaldy. Kelisim-shart merzimi tórt jyl jáne qyryq mıllıon fýntqa qol alysqan.

«Borýssııa» fýtbol klýbynyń fýtbolshysy ıAkýb Blaşıkovskı klýbpen aradaǵy kelsim-sharttyń merzimin 2016 jyldan, 2018 jylǵa deıin uzartty. Bul týraly klýbtyń arnaıy saıty habar taratty.

«Roma» fýtbol klýbynyń qaqpashysy Marten Stekelenbýrg óziniń mansabyn aǵylshyn alańynda jalǵastyryp qalýy yqtımal. Stekelenbýrgtiń jańa komandasy «Fýlhem» bolyp qalýy ábden múmkin. 30 jastaǵy qaqpashy úshin aǵylshyndyq klýb 3,5 mıllıon eýro tólemek. Bul týraly klýb basshylyǵy bas qatyrýda. Sebebi «qasqyrlardyń» qazirgi jaǵdaıyn aıtpaǵanda, qaqpashy máselesine kelgende biraz tosylyp qaldy.