«Real» «Bavarııany» oısyrata jeńip, fınalǵa shyqty - VIDEO
ASTANA. QazAqparat - Madrıdtiń «Realy» mıýnhendik «Bavarııany» oısyrata jeńip, Chempıondar lıgasyna joldama alǵan alǵashqy komanda atandy, dep habarlaıdy Vesti.kz.
Mıýnhende ótken qos komandanyń jartylaı fınaldaǵy qarymta kezdesýi «Realdyń» paıdasyna 4:0-men aıaqtaldy. Madrıdtik oıynshylardan kezdesýdiń 16-shy jáne 20-shy mınýtynda - Serhıo Ramos, 34-shi jáne 90-shy mınýttarynda - Ronaldý dýbl oryndady. Osy kezdesýde portýgaldyq aıaqdopshy 16-shy golyn salyp, týrnırdiń jańa rekordyn ornatty.
Osylaısha, eki kezdesý nátıjesi boıynsha esep 5:0-men «Realdyń» paıdasyna sheshildi. Budan bir apta buryn Madrıdte ótken alǵashqy kezdesýde «Bavarııa» 1:0-men ese jibergen.
Lıssabondaǵy «Eshtadıý da Lýsh» stadıonynda 24 mamyrda ótetin fınaldyq oıynda «Real» londondyq «Chelsı» men madrıdtik «Atletıkonyń» qaı jeńgenimen baq synasady. Bul komandalardyń alǵashqy oıynynda esep ashylmaı, match teń aıaqtalǵan.
