«Real» - «Barselona» 1-shi taımda teń tústi
ASTANA. QazAqparat - Fýtboldan Ispanııa chempıonatynyń 17-týry aıasyndaǵy «Real Madrıd» komandasy óz alańynda «Barselonany» qabyldap jatyr, dep habarlaıdy «QazAqparat» tilshisi.
Fýtbolsúıer qaýym arasynda «El-Klasıko» degen atpen tanylǵan dramalyq kezdesýdiń birinshi taımynda esep ashylmady. Týrnır kestesi alań ıeleriniń aldyna búgingi oıynda qalaıda jeńiske jetý talabyn qoıdy, al olardan 11 upaı alda kele jatqan barselonalyqtardy teń nátıje de qanaǵattandyratyny belgili.
Alǵashqy mınýttardan bastap madrıdtikter búkil maıdan shebi boıynsha shabýyl uıymdastyrdy. Al qonaqtar ekinshi nómirmen oınaýǵa májbúr bolyp otyr. Oıyn qyzý ótip jatqanymen, alǵashqy taımda qaýipti shabýyl kóp bolǵan joq.
Eske sala keteıik, ekinshi taımda gol soǵylmady, esep ashylmasa 17 oıyn ótkizgen «Barselona» 43 upaımen birinshi, al «Real Madrıd» 16 oıynnan 32 upaı jınap 4-orynda qalady.
