«Real» Anchelottıdiń ketetinin resmı túrde jarııalady

ASTANA. KAZINFORM – Madrıdtiń «Real» klýby bas bapker Karlo Anchelottıdiń komandadan ketetinin málimdedi. Bul týraly klýbtyń resmı saıty habarlady.

– Karlo Anchelottı árqashan Real Madrıd otbasynyń bir bóligi bolyp qala beredi. Biz ony maqtan tutamyz – ol bizge úlken jetistikter ákelip qana qoımaı, sonymen qatar bizdiń klýbtyń qundylyqtaryn shyn máninde beıneleıdi, – dedi klýb prezıdenti Florentıno Peres.

Anchelottı 2013-2015 jyldar aralyǵynda «Real Madrıdte» jumys istegen, keıin 2021 jyly komandaǵa oraldy jáne osy kezeńde klýbpen barlyǵy 11 júlde jeńip aldy. Osy maýsymda «Real Madrıd» UEFA sýperkýbogyn jáne klýbtar arasyndaǵy álem chempıonatyn jeńip aldy.

Italıandyq mamannyń ornyna «Realdy» ıspanııalyq Habı Alonso basqarady dep boljanyp otyr. 9 mamyrda ol Leverkýzenge (Germanııa) tıesili «Baıer» klýbynan ketetinin habarlady.

Aıta keteıik, buǵan deıin qazaq qyzy Madrıdtiń «Real» klýbyna qyzmetke ornalasqanyn jazdyq.