«Real» 16 jastaǵy fýtbolshyny 45 mln. eýroǵa satyp aldy
ASTANA. QazAqparat - Madrıdtiń "Real" fýtbol klýby brazılııalyq talantty jas fýtbolshy Vınısıýs Jýnıordy satyp aldy. Bul týraly vesti.kz saıty jazady.
"Koroldik klýb" 2018 jyldyń shilde aıynan bastap shabýylshymen tolyqtaı kelisimshartqa qol qoıa alady. Ol kezde Vınısıýs Jýnıor 18 jasqa tolady.
Oıynshy 2019 jyldyń shildesine deıin "Flamengodaǵy" mansabyn jalǵastyra beredi. Eger klýb basshylyǵy kelisip jatsa, shabýylshynyń odan erterek "Real" sapyna qosylýy da múmkin.
Basylymdardyń jazýy boıynsha Vınısıýs Jýnıordyń transfer quny 45 mıllıon eýroǵa baǵalanyp otyr eken.
Vınısıýs Jýnıor Ońtústik Amerıka qurlyǵynda naýryz aıynda ótken 17 jasqa deıingi ulttyq quramalar arasyndaǵy chempıonatta kózge tústi. Jarystyń úzdik surmergeni atanyp, eýropalyq birneshe alpaýyt komandalar skaýttarynyń nazaryna ilikken bolatyn.
