RBK Bank-tyń burynǵy basqarýshy dırektory tutqyndaldy

ASTANA. QazAqparat - 2018 jylǵy 25 qazanda Qazaqstan Respýblıkasynyń Bas prokýratýrasy sottyń sanktsııasy boıynsha «RBK Bank» AQ burynǵy basqarýshy dırektory Asylbek Igilmandy tutqyndady, dep habarlaıdy QazAqparat Bas prokýratýranyń baspasóz qyzmetine silteme jasap.

«Ol «RBK Bank» AQ dırektorlar keńesi ókiliniń burynǵy keńesshisi Jomart Ertaevpen sóz baılasyp, zańsyz nesıe resimdeý arqyly banktiń 850 mln teńge mólsherindegi aqshalaı qarajattaryn jymqyrdy degen kúdikke ilikti», - delingen habarlamada.

Igilman atalǵan somany 15 myń teńgesi bar depozıttik esepti kepildikke usynyp, 2013 jyly alǵan. Urlanǵan qarajattar banktiń top-menedjmenti jáne jumysshylary arasynda bonýs túrinde bóliske salynǵan.

Igilman óziniń úlesine Almaty qalasynyń qymbat aýdanynan 288 mıllıon teńgeniń úıin salyp alǵan.

Qazirgi kezde onyń úıi de arestke qoıyldy.

Buryn Bas prokýratýra banktiń 4 top-menedjeri - Danııar Týǵanbaı, Danııar Edigenev, Rýslan Batyrbaev jáne Baqyt Ibragımderdi ustaǵan bolatyn. Olardyń barlyǵy aıybyn moıyndap, keltirilgen zalaldy óteýge atsalysyp jatyr.