Raıymqulovanyń Rypakovany quttyqtaýy: Úsh qarǵyp sekirýden úzdik ekenińizdi dáleldedińiz
NUR-SULTAN. QazAqparat - QR Mádenıet jáne sport mınıstri Aqtoty Raıymqulova jeńil atlet Olga Rypakovany jeńisimen quttyqtady, dep habarlaıdy QazAqparat tilshisi.
«Qurmetti Olga! Sizdi VII Búkilálemdik áskerı oıyndarda top jarýyńyzben quttyqtaımyn. Siz úsh qarǵyp sekirýden úzdik ekenińizdi taǵy bir márte dáleldep, bul joly da jeńis tuǵyrynan kórindińiz. Olımpıada oıyndary sekildi tórt jylda bir ret ótkiziletin baıraqty básekede elimizdiń mereıin ústem etip, altynnan taǵynǵan júldeńiz qutty bolsyn!», - delingen mınıstrdiń quttyqtaýynda.
Buǵan deıin Memleket basshysy Qasym-Jomart Toqaevtyń jeńil atlet Olga Rypakovany quttyqtaǵanyn habarlaǵan edik.
Esterińizde bolsa, keshe qazaqstandyq jeńil atlet Olga Rypakova Búkilálemdik áskerıler oıynynda jeńimpaz atanǵanyn jazǵan bolatynbyz.
