Raıymbek batyrdyń anasy - batyrlar áýletiniń urpaǵy

 «Jalaıyr eline jaý tıipti» degen habar alban taıpasyna jetedi. Qart býradaı qaharyna mingen Hangeldi batyr jasaǵyn soń­y­nan ertip, quba qalmaqqa qarsy attanady. Shapqynshylyq jasaǵan jaýdyń betin qaıtaryp, qalmaq qolbasshysynyń basyn alyp, rýly el jalaıyrdy basqynshy jaýdan qutqarady. Bul kezde Oraqty batyr jyraqta júrgen kezi eken, eline jaý tıgenin estip oralsa, alban Hangeldi el tynyshtyǵyn alǵan quba qalmaqtyń basyn alǵanyn, el ishine qalypty tynyshtyq ornaǵanyn kóredi. Han­geldi batyrdyń erligine rıza bolǵan Oraqty batyr syı-sııapat jasap, attana­rynda bu­ıym­taı suraıdy. Sonda Hangeldi batyr: «Aramyzdy jekjattyq jalǵastyrsa dep edim, qısań, qyzyń Qarashashqa úki taqsam qalaı?» - deıdi. Eki jaq kelisimge kelip, qudalasady.

Hangeldi batyr kútpegen jerden jalaıyr Oraqty batyrmen quda bolyp, qyzy Qara­shash sulýdy Túkege alyp beredi. Tekti áýlettiń qyzy Túkege qosylǵan soń Raıymbek, Tolmash atty uldardy dúnıege ákeledi, dep jazady «Alash aınasy» basylymy.