Raıymbek aýdanynda 20 jastaǵy jigit pyshaq jaraqatymen aýrýhanaǵa tústi
RAIYMBEK. QazAqparat - Almaty oblysynda óz aýyldasyna pyshaqpen dene jaraqatyn salǵan 20 jastaǵy jigit ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Raıymbek aýdanynda aýyldas jigitterdiń sózge kelispeı qalýy qylmysqa ulasyp, 20 jastaǵy jigittiń aýyr dene jaraqatyn alyp, aýrýhanaǵa túsýimen aıaqtaldy.
Qylmysty ashýǵa baǵyttalǵan jedel-izdestirý sharalary barysynda aýyldasyna qasaqana pyshaq jaraqatyn salǵan 20 jastaǵy jigit ekeni anyqtaldy. Oqıǵa ornynan pyshaq tabylyp, is materıaldaryna aıǵaq zat retinde tirkeldi.
«Jastar arasyndaǵy kıkiljiń aýyr qylmysqa ákep soqqan. Qazir oqıǵaǵa qatysqan tulǵalar anyqtaldy. Medıtsınalyq kýálandyrý barysynda olardyń ishimdik ishpegeni belgili boldy. Atalǵan derek boıynsha QR Qylmystyq kodeksiniń 106-babyna sáıkes sotqa deıingi tergeý amaldary júrgizilýde»,- dedi Raıymbek aýdany Polıtsııa bóliminiń bastyǵy polıtsııa polkovnıgi Murat Nurdáýletov.
Tergeý barysynda tártip saqshylary aýyl balalarynyń arasyndaǵy kıkiljiń neden týyndap, qylmysqa barýyna ne sebep bolǵany anyqtalatyn bolady.
