Raımond Paýls 80 jyldyǵyn óz kontsertinde atap ótti
ASTANA. QazAqparat - Belgili kompozıtor jáne pıanınoshy Raımond Paýls seısenbi kúni Rıgada Ulttyq teatrdaǵy kontsertinde óziniń 80 jyldyǵyn atap ótti.
Ulttyq teatrdyń marketıng jáne qoǵamdyq qatynastar bóliminiń basshysy Lıg Rımshevıchtiń aıtýynsha, mereıtoı ıesi saltanatty sharadan bas tartqan.
"Ol kórermender ákelgen gúlderdi sahnaǵa shyǵarmaı, arnaıy zalda qaldyrýdy surady. Sahnada ony tek Latvııanyń prezıdenti Raımonds Veıonıs quttyqtady, alaıda bul kompozıtor úshin tosyn syı boldy", - dedi ol.
Belgili latvııalyq kompozıtor, KSRO halyq ártisi Raımond Paýls 1936 jyly 12 qańtarda Rıgada dúnıege kelgen. Maestro júzdegen án, teatr men kınoǵa arnalǵan áýen, mıýzıklder jazyp, djaz pıanınoshy jáne dırıjer retinde álemge tanyldy.
