«Atameken» UKP: Batalovtyń qyzmetten bosatylatyny jaıly aqparat – feık

ASTANA. KAZINFORM – Keıbir derekkózderde taratylyp jatqan R. Batalovtyń «Atameken» Ulttyq kásipkerler palatasy Tóralqasynyń Tóraǵasy qyzmetinen bosatylatyny týraly aqparat shyndyqqa janaspaıdy, dep málimdedi búgin palatanyń baspasóz qyzmeti.

«Qazaqstan Respýblıkasynyń Ulttyq kásipkerler palatasy týraly» Qazaqstan Respýblıkasy Zańynyń 21-baby 2-tarmaǵynyń 1) tarmaqshasyna, sondaı-aq «Atameken» UKP Jarǵysynyń 16.4-tarmaǵynyń 1) tarmaqshasyna sáıkes, Tóralqa Tóraǵasy tek Ulttyq kásipkerler palatasy Seziniń sheshimimen ǵana saılanady jáne qyzmetinen bosatylady.

-Osy máselege qatysty ózge de málimdemeler men jarııalanymdar shyndyqqa janaspaıtyny jáne quqyqtyq negizi joq ekendigin atap ótemiz. Tekserilmegen jáne jalǵan aqparatty taratpaýǵa shaqyramyz,-delingen palatanyń Instagram paraqshasynda jarııalanǵan aqparatta.