Ravvınder Eýropadaǵy evreılerdiń kóshýi múmkindigin eskertti

ASTANA. QazAqparat - Máskeýdiń bas ravvıni Pınhas Goldshmıdt Ulybrıtanııanyń Eýroodaqtan shyǵý týraly sheshimi radıkaldy ıslamızımniń ulǵaıatynyn jáne onyń Eýropadaǵy evreı jurtshylyǵyna qater tóndiretinin málimdedi, dep habarlady RIA Novostı.

Eýropadaǵy ravvınder keńesiniń basshysy bop tabylatyn Goldshmıdt Eýroparlament depýtattaryna memleket basshylary zamanaýı qaýip-qaterlerge der kezinde toıtarys bermese, Eýropanyń qıraıtynyn, otyz jyldan keıin «apatty saldar» bolatynyn aıtty, dep jazdy Independent.

Onyń aıtýynsha, evreıler radıkaldy ıslamızm men ońshyl antısemıtızmniń ortasynda qaldy.

Ravvın belgııalyq jáne frantsııalyq evreılerdiń 36-40 paıyzy antısemıttik shabýyldardan óz dinderin jasyratyny, al 22 paıyzynyń evreılerdiń sharasynan boıyn aýlaq ustaıtyny týraly saýalnama qorytyndylaryn kórsetti. Sonymen birge, ol statıstıkalyq málimetterdi de mysalǵa keltirdi, on myńdaǵan evreıler Eýropa Odaǵy aýmaǵynan ketip qalǵan jáne birneshe myń evreı ketýge qajetti qujattardy rettep júr.

Goldshteın qazirgi hal-ahýal ózgermese, Eýroodaqty sátsizdikke ushyraǵan eksperıment dep ataýǵa bolatyndyǵyn aıtty.