Raýshan Qajybaeva QR Premer-Mınıstri baspasóz qyzmetiniń basshysy, baspasóz hatshysy bolyp taǵaıyndaldy
ASTANA. 2 qazan. QazAqparat - Raýshan Jańabergenqyzy Qajybaeva QR Premer-Mınıstri baspasóz qyzmetiniń basshysy, baspasóz hatshysy bolyp taǵaıyndaldy. Bul týrady QR Premer-Mınıstriniń baspasóz qyzmetinen habarlady.
Bul týraly tıisti ókimge QR Premer-mınıstri Serik Ahmetov qol qoıdy.
Qajybaeva Raýshan 1978 jyly dúnıege keldi. Mamandyǵy boıynsha jýrnalıst, L.N.Gýmılev atyndaǵy Eýrazııalyq ýnıversıtetin támamdaǵan.
«KTK» telearnasynyń Astanadaǵy tilshilik qosynynda jýrnalıst qyzmetin atqardy, «Qazaqstan» telearnasynda bas redaktor, aqparattyq-saraptamalyq baǵdarlamalar dırektsııasy basshysynyń orynbasary bolyp jumys istedi.
QR Parlament Senaty tóraǵasynyń keńesshisi, QR Parlament Senaty baspasóz qyzmetiniń jetekshisi qyzmetterin atqardy.
Eki medalmen, sonyń ishinde «Eren eńbegi úshin» medalimen marapattalǵan.
