Raýshan Ámirenova: Memlekettik tildi bilý – qoǵam qajettiligi
KÓKShETAÝ. QazAqparat - Sh.Ýálıhanov atyndaǵy Kókshetaý memlekettik ýnıversıtetiniń oqytýshysy Raýshan Ámirenova QR Prezıdenti Qasym-Jomart Toqaevtyń «Egemen Qazaqstan» gazetinde jarııalanǵan «Táýelsizdik bárinen qymbat» atty maqalasyna pikir bildirdi, dep habarlaıdy QazAqparat tilshisi.
«Ár mádenıetti azamat úshin óz Otanyn, ósken ólkesin, onyń tarıhyn, mádenıetin, tilin bilý paryz. Halyqtyń tarıhyn, mádenıetin, tilin, rýhanı baılyǵyn bilý – adamda halyqqa degen qurmet sezimin oıatady. Memlekettik tilimizdiń qoǵamdyq ómirdiń ár salasynda keńinen qoldanylýy – ultty biriktirýge jeteleıtin faktor ekeni barshamyzǵa málim», - dedi Raýshan Ámirenova.
Sonymen birge ol Qazaqstan til máselesinde aqyryn júrip, anyq basyp kele jatqan el ekenin atap ótti. Onyń sózinshe, bul kózdegen muratqa, belgilengen mejege jetýdiń durys joly ekenin ýaqyttyń ózi kórsetip otyr.
«Til – halyqtyń jan-dúnıesi, rýhanı negizi men el erkindigin, ulttyń ulylyǵyn tanytatyn basty kúsh, ult bolmysyn uǵyndyryp, jalpy jurtty tóńiregine toptastyrýshy, biriktirýshi. Sondyqtan memlekettik tildi bilý – ómir talaby, zaman suranysy, qoǵam qajettiligi degen jón bolar. Tildi ómirdiń barlyq salasynda qoldanyp, aıasyn keńeıtý jolynda árbir qazaqstandyq óziniń azamattyq mindetin atqarǵanda ǵana ol nátıjeli bolatynyna kún saıyn kóz jetip keledi.
Ózimizdiń paryzymyzdy adal oryndap, qazaq tili ǵumyrynyń máńgi bolýyna úles qosaıyq», - dep túıindedi Raýshan Ámirenova.
