Raýl Kastro óziniń otstavkaǵa ketý ýaqytyn aıtty
ASTANA. QazAqparat - Kýbanyń Memkeńesiniń basshysy Raýl Kastro juma kúni 2018 jyldyń 24 aqpanynda otstavkaǵa ketetinin málimdedi.
Kishi Kastro (84 jasta) 2008 jyly Kýba memleketiniń basshysy boldy, oǵan deıin ol óziniń úlken aǵasy Fıdel Kastro qyzmetinen ketken soń eki jyl Kýba memkeńesiniń basshysy mindetin atqardy, dep jazdy Ýtro.rý .
2013 jyly Kýba basshysy bolyp qaıta saılanǵan Raýl Kastro 2018 jylǵy saılaýda óz kandıdatýrasyn usynbaıtynyn aıtty.
«Men bul qyzmette kóp ýaqyt otyryp kýbalyqtardy jalyqtyrǵym kelmeıdi. Osyǵan deıin aıtqanymdaı 2018 jyly 24 aqpanda otstavkaǵa ketemin», - dedi Kastro Meksıka prezıdenti Enrıke Penıa Neto onyń qurmetine bergen qonaqasynda.
Kastro Meksıkaǵa memlekettik saparymen barǵan bolatyn.
