Raýl Kastro Kýbanyń prezıdenti bolyp qaıta saılandy
ASTANA. 25 aqpan. QazAqparat - Raýl Kastro Kýba Memlekettik keńesiniń tóraǵasy bolyp 2018 jylǵa deıingi bes jyldyq merzimge qaıta saılandy.
Sheteldik BAQ-tardyń habarlaýynsha, prezıdenttik saılaý kýba Ulttyq assambleıasynda jasyryn daýys berý jolymen ótti. Raýl Kastronyń birinshi orynbasary burynǵy joǵary bilim mınıstri, 52 jastaǵy Mıgel Dıas-Kanel boldy.
Buǵan deıin 612 músheden turatyn parlament ózine jańa tóraǵany saılady. Sońǵy 20 jyl boıy zańnamalyq jınalysty basqaryp kelgen Rıkardo Alarkony ekonomıst Esteban Laso almastyrdy. 75 jastaǵy Rıkardo Alarko jalpy saılaý barysynda saılaý tizimine engizilgen joq.
81 jastaǵy Raýl Kastro Kýbanyń ulttyq kóshbasshysy Fıdel Kastronyń inisi, ol aǵasy naýqasqa shaldyqqanda memleket basshysynyń mindetin atqarýshy boldy. Raýl Kastro Memlekettik keńesti resmı túrde 2008 jyly qolǵa aldy.
