Raýl Kastro: Kýbada jańa tóraǵa saılanady
ASTANA. QazAqparat - Kýba mınıstrler keńesi men memlekettik keńesiniń tóraǵasy Raýl Kastro 2018 jyldyń sáýirinde qyzmetinen ketedi, dep habarlaıdyTASS agenttigi.
Ol beısenbi kúni Halyq bıligi ulttyq assambleıasynyń (eldiń bir palataly parlamenti) otyrysynda osyndaı málimdeme jasady.
«19 sáýirde Halyq bıligi ulttyq assambleıasynyń jańa quramy qurylady. Meniń memleket jáne úkimet basshysy retindegi ekinshi jáne sońǵy merzimim aıaqtalmaq. Kýbada jańa tóraǵa saılanady», - dedi 86 jastaǵy Kastro.
Raýl Kastro Memlekettik keńes tóraǵasy - memleket jáne úkimet basshysy qyzmetin 2008 jyldan beri atqaryp keledi. Ol bul laýazymǵa óziniń úlken aǵasy, Kýba revolıýtsııasynyń kóshbasshysy Fıdel Kastrodan keıin keldi.
