Raýan Kenjehanuly halyqaralyq «Qazaq tili» qoǵamynyń prezıdenti bolyp saılandy

ASTANA. QazAqparat – Halyqaralyq «Qazaq tili» qoǵamy» qoǵamdyq birlestigine jańa prezıdent saılandy, dep habarlaıdy QazAqparat tilshisi.

Astanada halyqaralyq «Qazaq tili» qoǵamynyń kezekten tys quryltaıy ótip jatyr.

Quryltaı barysynda uıymnyń prezıdenti Berik Ábdiǵalıuly óziniń memlekettik qyzmetke aýysýyna baılanysty ornyna basqa adamdy usynatynyn aıtty.

Osylaısha qoǵamnyń prezıdenttigine Bilim Media Group kompanııasynyń basshysy, «Ulttyq aýdarma bıýrosy» qoǵamdyq qorynyń dırektory Raýan Kenjehanulynyń kandıdatýrasy usynyldy.

Quryltaıǵa respýblıkanyń ár túkpirinen jınalǵan delegattar ashyq daýys berdi.

Sonyń nátıjesinde Raýan Kenjehanuly halyqaralyq «Qazaq tili» qoǵamynyń prezıdenti bolyp saılandy.