Ratel.kz pen Forbes-tiń ustalǵan jýrnalısterine kýáger mártebesi berildi - ІІD
ALMATY. QazAqparat - Ratel.kz jáne Forbes ınternet basylymdarynyń ustalǵan jýrnalısterine kýágerler mártebesi berildi, dep habarlaıdy QazAqparat tilshisi.
Olar qorǵalýǵa quqyǵy bar kýáger mártebesimen tirkeldi.
«Іs fıgýranttarynan jaýap alyndy. Olar Almaty qalasy ishki ister departamentiniń tergeý amaldarynan keıin jiberildi. Osy is boıynsha eshkim qamaýǵa alynǵan joq. Qazir is fıgýranttary qorǵalýǵa quqyǵy bar kýáger mártebesimen tirkelgen», - dep málimdedi Almaty ІІD baspasóz qyzmetiniń ókilderi.
Budan tys, quqyq qorǵaýshylar áleýmettik jelidegi aqparatty qaıta jarııalamaýǵa shaqyryp jatyr.
«Almaty qalasynyń ІІD is boıynsha sharalar zańnama jáne azamattar quqyqtaryn qatań saqtaı otyryp júrgizilip jatqanyn málimdeıdi. Keıbir BAQ-ta quqyq qorǵaý organdarynyń áreketteri týraly qarama-qaıshy aqparattar jarııalanǵan. Osyǵan baılanysty áleýmettik jeliden alynǵan aqparattardy jarııalaýǵa saq bolýǵa jáne alynǵan aqparatty Almaty qalasynyń ІІD baspasóz qyzmetinen naqtylap alýǵa shaqyramyz», - delingen habarlamada.
