Rasýl Jumaly: «Nur Otan»-nyń jańarýǵa bet alǵany — oń úrdis
«Taıaýda jarııalanǵan áleýmettik zertteýge sáıkes «Nur Otan» partııasynyń saılaýaldy reıtıngi 76 paıyzdy qurapty. Atalǵan kórsetkishke sený ıá senbeý - árkimniń jeke uıǵarymy. Dese de basqa partııalar únsiz otyrǵanda tipti shynaıy partııaaralyq básekelestik joq jaǵdaıda osylaı bolýy ábden yqtımal. Ras, qoǵamda bılik partııasyna degen synı kózqaras áli de basym. Biraq basqa partııalardy synaý túgili bilip, elep jatqandar kemde-kem», - dep jazady Rasýl Jumaly.
Onyń paıymynsha, jyl saıyn «Nur Otan-ǵa» azamattardan kelip túsip jatqan shaǵym men ótinishteri eselep ósýde. Bul qanshama jaǵymsyz pikirde bolǵannyń ózinde qoǵam naqty isterdiń sheshimin osy partııamen baılanystyratynyn aıǵaqtaıdy. Ásirese Koronavırýs kezinde atalǵan jaǵdaı anyq baıqalǵan.
«Úshinshiden, «Nur Otan»-nyń ózi de jańarýǵa bet alǵany - oń úrdis. Buny jaqynda ótken Praımerız, oǵan 10 myńnan astam úmitkerdiń belsene qatysqany kórsetti. Anyǵy sol, áldekimge bılik pen onyń partııasy unamaýy múmkin. Bul rette bılikti kinálaýǵa bolady, biraq jetkiliksiz. Áıtpese qalǵan alty partııa nege ylǵı jym-jyrt? Otyz jyl boldy oppozıtsııa basy nelikten birikpeı keledi? Olarǵa kóńil tolmasa balama baǵdarlama usynǵan jańa qozǵlystar men partııalar qurýǵa ne kedergi? Atalǵan suraqtarǵa jaýapty tek bılik emes, qoǵamnyń ózi de izdeýi qajet. Al qur uranshyldyqpen, anaý da jaman, mynaý da jaman dep ah urǵannan isimiz ońǵa baspasy anyq. Máselen, ótken saılaýlarda myńdaǵan azamatymyz baqylaýshy bolyp talaı bylyqty áshkerelegeni quptarlyq. Biraq sony ádildik úshin sotqa jetkizgeni qansha? Joqtyń qasy. Iá bolmasa túrli shekteýlerge qaramastan jańa partııa qurý úshin 20 myń daýys jınaýǵa da bolady - bul Qazaqstan halqynyń 0,12 paıyzy ǵana. Árıne máseleni zańdyq jáne órkenıetti jolmen sheshý kóp ýaqyt pen kúsh talap etedi. Saıyp kelgende demokratııa bul eń aldymen protsedýralar, olarǵa baǵyný bolyp tabylady. Tıisinshe túbi oń nátıjege ákeletin jalǵyz jol osy dep bilemin. Al endi demokratııa aıqaıshyldyqpen ne atoı salýmen ornaı qoısa Qyrǵyzstan baıaǵyda Eýropa bolar edi. Biraq olaı emes qoı», - dep jazady Rasýl Jumaly.
