Rasýl Orazǵulov Pavlodar oblystyq fýtbol federatsııasyn basqarady
ASTANA. QazAqparat - Pavlodar oblystyq fýtbol federatsııasy qaýymdastyǵynyń jańa prezıdenti bolyp Rasýl Orazǵulov taǵaıyndaldy, dep habarlaıdy pavlodarnews.kz.
Búgin oblys ákimi Bolat Baqaýov «Ertis» fýtbol klýbynyń oıynshylarymen kezdesý barysynda jańa prezıdentti tanystyrdy.
«Pavlodarlyq fýtbol mektebi elimizdegi eń myqty ujymdardyń biri. Ol úshin barlyq jaǵdaı jasaldy jáne jasala bermek. Biraq, sońǵy kezderi jankúıerler jeńisti oıyndardy kóre almaýda. Alǵashqy úshtikke enip, sizder birinshi maqsatty oryndadyńyzdar, endi el birinshiliginde top jaryp, Eýrokýboktarǵa joldama utý kerek. Demalys kúnderi «Qaırat» klýbymen ótetin oıynda sáttilik tileımin», - dedi Bolat Baqaýov.
«Ertis» pen «Qaırat» arasyndaǵy oıyn 17 shilde kúni ótedi.
Aıta keterligi, Rasýl Qabdollauly Orazǵulov 1974 jyly 24 qańtarda Pavlodar oblysy Jelezın aýdany Komarovka aýylynda týǵan. Bilimi - joǵary, 1994 jyly Aqmola qarjy-ekonomıkalyq tehnıkýmyn, 2000 jyly Shákárim atyndaǵy Semeı memlekettik ýnıversıtetin, al 2010 jyly S. Toraıǵyrov atyndaǵy Pavlodar memlekettik ýnıversıtetin támamdaǵan. 2013 jyldan 2014 jylǵy qańtarǵa deıin «Nur Otan» partııasy tóraǵasynyń birinshi orynbasarynyń keńesshisi laýazymynda eńbek etti. 2014 jylǵy qańtarda Pavlodar oblysy ákimi apparatynyń basshysy bolyp taǵaıyndaldy.
