Rassel Kroý «Eń qatty daýys» telehıkaıasyndaǵy róli úshin «Altyn globýs» aldy
NЬıÝ-IORK. QazAqparat – Rassel Kroý «Shaǵyn telehıkaıa jáne telefılmdegi úzdik erler róli» sanatynda «Altyn globýs» amerıkalyq kınopremııasyn jeńip aldy. 77-shi marapattaý rásimi jeksenbi kúni Beverlı-Hıllzde (Kalıfornııa shtaty) ótti, dep habarlaıdy QazAqparat NBC telearnasyna silteme jasap.
Akter «Eń qatty daýys» («Samyı gromkıı golos», «The Loudest Voice») telehıkaıasyndaǵy róli úshin syılyq aldy.
Syılyq laýreattary 25 sanatta jarııalanady.
«Altyn globýs» músinshesiniń salmaǵy 2 keli jáne bıiktigi 26 santımetr. Ol myryshtan jasalǵan jáne 24 karat altyn sharmen kómkerilgen.
«Altyn globýs» syılyǵyn jyl saıyn Sheteldik jýrnalıster qaýymdastyǵy taǵaıyndaıdy. Ol AQSh-ta «Oskardan» keıingi bedeldi syılyqtardyń biri. «Altyn globýs» marapaty kınematograf pen telearnany qamtyp, ótken jyldyń qorytyndysy boıynsha tabys etiledi.
