«Raspadskaıa» shahtasynda mert bolǵandardyń sany 39 adamǵa jetti
ASTANA. Mamyrdyń 11-i. QazAqparat - Kýzbastaǵy «Raspadskaıa» shahtasynda mamyrdyń 8-inde bolǵan eki jarylystyń saldarynan qaza bolǵandardyń sany 39 adamǵa jetti,
dep habarlady seısenbi kúni Tótenshe jaǵdaılar mınıstrligi jedel shtabynyń kezekshisi. «Qurban bolǵandardyń sany 39 adamǵa jetti. Qutqarýshylar shahtada taǵy 7 kenshiniń denesin tapty. Qalǵan 51 adamnyń taǵdyry ázirge belgisiz», - dedi vedomstvo ókili.
Reseıdegi eń iri shahtalardyń bolyp tabylatyn «Raspadskaıa» kenishinde arasyna 4 saǵat salyp eki jarylys bolǵanyn QazAqparat budan buryn habarlaǵan bolatyn. Ekinshi jarylys bolǵan kezde shahtada 83 adam qalyp qoıǵan. Birinshi jarylystan keıin kómekke jiberilgen barlyq 19 qutqarýshy qaza tapty.
