Rashıd Dýbaev Ónerkásiptik qaýipsizdik komıtetin basqaratyn boldy
ASTANA. KAZINFORM — QR tótenshe jaǵdaılar mınıstriniń buıryǵymen Rashıd Qultaıuly Dýbaev Ónerkásiptik qaýipsizdik komıtetiniń tóraǵasy qyzmetine taǵaıyndaldy, dep habarlaıdy Úkimettiń baspasóz qyzmeti.
1966 jyly Shyǵys Qazaqstan oblysynda dúnıege kelgen. Ál-Farabı atyndaǵy Qazaq memlekettik ýnıversıtetin bitirgen.
Eńbek jolyn 1992 jyly Semeı oblysy Shar aýdany prokýratýrasynda taǵylymger-tergeýshi bolyp bastaǵan.
1993-1997 jyldar aralyǵynda Almaty oblysy Áýezov aýdany prokýrorynyń keńesshisi, prokýror orynbasary qyzmetterin atqarǵan.
1997 jyldan 2000 jylǵa deıin QR Bas prokýratýrasy qurylymynda quqyq qorǵaý jáne salyq organdarynda tergeý jáne anyqtaý zańdylyǵyn qadaǵalaý basqarmasynyń prokýrory, Bas prokýrordyń aǵa kómekshisi – Pavlodar oblysy boıynsha Bas prokýratýranyń ókili jáne basqa da laýazymdy qyzmetter atqardy.
2000–2002 jyldary — Pavlodar oblysy Ádilet basqarmasynyń bastyǵy.
2002–2005 jyldary — Almaty qalasy Ádilet basqarmasynyń bastyǵy.
2005–2009 jyldary — Pavlodar oblysy Ádilet departamentiniń bastyǵy.
2009–2010 jyldary — QR Ádilet mınıstrligi «Aqparattyq-óndiristik ortalyǵy» RMK dırektorynyń orynbasary, Astana qalasy.
2012–2014 jyldary — QR Bas prokýratýrasynyń Іshki qaýipsizdikti qamtamasyz etý basqarmasy bastyǵy, Astana qalasy.
2014–2016 jyldary — Qaraǵandy oblysy prokýrorynyń birinshi orynbasary.
2022–2023 jyldary — QR TJM Ónerkásiptik qaýipsizdik komıtetiniń Abaı oblysy boıynsha departament basshysy.
2023 jyldyń qyrkúıeginen bastap qazirgi ýaqytqa deıin QR TJM Ónerkásiptik qaýipsizdik komıtetiniń Almaty qalasy boıynsha departament basshysy qyzmetin atqardy.
Osyǵan deıin Qazaqstan fýtzal qaýymdastyǵynyń bas hatshysy taǵaıyndalǵanyn habarladyq.