Range Rover kóligi KamAzǵa soǵylyp, bir adam mert boldy
ALMATY. Qazaqparat - Talǵar tas jolynda Range Rover kóligi jol shetinde turǵan KamAzǵa bar jyldamdyqpen soǵyldy, dep habarlaıdy Qazaqparat tilshisi.
Jol apaty Dýman shaǵyn aýdany tusynda bolǵan. Soqqydan Range Rover kóliginiń 29 jastaǵy jolaýshysy sol jerde kóz jumdy. Al júrgizýshi asa aýyr jaraqatpen aýrýhanaǵa jetkizildi.
Kólikte órttiń shyǵý qaýpine baılanysty oqıǵa ornyna órt sóndirýshiler shaqyryldy.
Jol apatynyń sebepterin polıtsııa anyqtap jatyr.
