Ramzan Qadyrovtyń qyzy qarı atandy
ASTANA. QazAqparat - Sheshenstan prezıdenti Ramzan Qadyrovtyń 10 jasar qyzy Tabarık Kadyrova Quran Kárimdi tolyq jattap shyqty, dep habarlady www.muslim.kz saıty.
Áleýmettik jelilerde, Sheshenstan basshysy: «Búgin bizdiń otbasymyzda úlken qýanyshty jaǵdaı bolyp otyr. Tabarak qyzym Quran Kárimdi tolyq jattap «qarı» atandy. Tabarak bar-joǵy 10 jasta. Biraq ol Qurandy shynaıy yqylasymen jattap shyqty. Onyń ata-babalary búkil ómirin osy Allanyń haq jolynda sarp etken bolatyn», - deıdi.
Oǵan qosa Ramzan Qadyrov: «Qazir Sheshenstannyń aýmaǵynda ıslamdy úırenýge jáne ony ustanýǵa barlyq jaǵdaı jasalǵan. Al, buryndary Sheshenstanda meshitter joq edi. Quran úıretken kisiler abaqtyǵa qamalatyn», - dep, eske alǵan Ramzan Qadyrov búginde Sheshenstan Respýblıkasynda júzdegen meshitter, 5 qarılar ortalyǵy jáne 1 ıslam ýnıversıteti bar ekendigin jetkizdi.
Aıta ketetin jaǵdaı, budan buryn Ramzan Qadyrovtyń 6 balasy qarı atanǵan bolatyn. Olar: qyzdary - Aıshat, Hýtmat jáne Hadıjat. Uldary - Alı, Ahmad jáne Adam.
