Ramzan Qadyrov: Keı lıderler elin talqandap jatsa, N.Nazarbaev Qazaqstandy nyǵaıtyp keledi
ASTANA. QazAqparat - Reseı Federatsııasy Sheshen Respýblıkasynyń Prezıdenti Ramzan Qadyrov «Instagram» áleýmettik jelisinde Qazaqstan Prezıdenti Nursultan Nazarbaevty quttyqtady.
Ol jazbasynda qazirgi zamannyń iri saıasatkeri, Reseı men Sheshenstannyń naǵyz dosy Qazaqstan Prezıdenti Nursultan Nazarbaevty mereıtoıymen quttyqtaý ózi úshin úlken mártebe ekenin atap ótken. Ramzan Qadyrovtyń aıtýynsha, Sheshenstannyń birinshi Prezıdenti, Reseı qaharmany Ahmet-qajy Qadyrov Nursultan Nazarbaevqa úlken qurmetpen qaraǵan.
«Ol ony qazaq halqynyń ákesi, dana, uly adam dep ataǵan. N.Nazarbaev óz elin postkeńestik kezeńdegi kúrdeli saıası ótkelderden alyp ótip, Qazaqstannyń bolashaǵy baýyrlas Reseı halqymen myzǵymas dostyqta ekenin bildi», - dedi Ramzan Qadyrov. «Keıbireýler óz elin talqandaýdan qoly bosamaı jatqanda, N.Nazarbaev Qazaqstannyń saıası, ekonomıkalyq turaqtylyǵyn qamtamasyz etip, Reseımen qarym-qatynasty damytyp otyr. Qurmetti, Nursultan Ábishuly! Sizge myqty densaýlyq, baqyt pen bereke, baýyrlas Qazaqstan halqyna jańa jeńisterge jete berýge tilektespin», - dep jazdy Sheshenstan basshysy.
