Ramzan Qadyrovtyń pýlemetpen jabdyqtalǵan Cybertruck kóligin Ilon Mask «qashyqtyqtan óshirip qoıǵan»
ASTANA. KAZINFORM — «Ilon Masktyń bul isi durys emes. Qymbat syılyqty shyn júrekten berdi de, sodan keıin ony qashyqtyqtan óshirdi», — dep jazdy Qadyrov Telegram kanalynda.
Sheshenstan basshysynyń aıtýynsha, kólik maıdanda «jaýyngerlik tapsyrmalardy tamasha oryndaǵan», biraq Mask jýyrda Cybertruck kóligin qashyqtyqtan óshirgen.
17 tamyzda Ramzan Qadyrov Ilon Mask tóbesinde avtomaty bar Cybertruck bergenin jáne bul kólik Reseıdiń Ýkraınadaǵy arnaıy áskerı operatsııasyna jiberiletinin habarlaǵan. 19 tamyzda Ilon Mask bul málimdemelerdi joqqa shyǵardy.
Eske sala keteıik, buǵan deıin Ilon Masktyń Neuralink kompanııasy mıdyń kórý qyrtysy zaqymdanbaǵan soqyrlardyń kórý qabiletin qalpyna keltiretin Blindsight qurylǵysyna ruqsat alǵanyn jazǵan bolatynbyz.
