Rámizder kúni: Sozaqta 20 jyl buryn mektep bitirgen túlekter Rámizder alańyn salyp berdi
Sozaq aýdanyndaǵy túlekterdiń tartýy aýyl turǵyndaryn qýanyshqa bóledi. «Sozaq» mektep gımnazııasyn 20 jyl buryn bitirgen túlekter aýylǵa kire-beristegi saıabaq aldyna rámizder alańyn salyp berdi. 23 metr bıiktikke Memlekettik Tý ornatyldy jáne Eltańba men Qazaqstan kartasy beınelenip, Ánuran men aýyl tarıhy jazylǵan úlken belgi qoıyldy. Alleıa aýmaǵy abattandyrylyp, shyrsha egildi.
«Rámizder alańy jastardy patrıottyq rýhta tárbıeleýge úlken úlesin qosady dep senemin. Aldaǵy ýaqytta munda kóptegen is-sharalar ótetin bolady. Barsha synyptastar birigip, ortadan qarjy jınadyq. Jalpy 10 mln teńgege jýyq aqsha jumsaldy. Igi iske aýyl jastary Jasulan Nysanbaev, Nuraly Temirálıev, Ǵabıt Alpamysov, Nurymbet Ámetov, Murat Qarakeev, Jeńis Kólshikbaev, Oral Súleımenov jáne ózge de jigitterdiń qosqan úlesi kóp. Aýyl mektebine de túlekterbiń tartýy retinde úlken oryndyq syıladyq»-deıdi ıgi isti uıymdastyrýshylardyń biri Roman Maqulbaev.
Aıta keteıik, budan buryn túrkistandyq túlekter 6 otbasyna turǵyn úı salyp bergen bolatyn.
