Rámizder kúni: Elordalyq jastar «Otan qorǵaýshy» monýmentine gúl shoqtaryn qoıdy

NUR-SULTAN. QazAqparat - Memlekettik rámizder merekesine oraı uıymdastyrylǵan saltanatty avtosherý barysynda elordalyqtar «Otan qorǵaýshy» monýmentine gúl shoqtaryn qoıdy, dep habarlaıdy QazAqparat tilshisi.

Qabanbaı dańǵyly boıynda ornalasqan «Qazaqstan Respýblıkasynyń memlekettik rámizder» alańynan bastalǵan avtosherýge qatysýshylar Qabanbaı, Turan, Uly dala, Máńgilik el, Táýelsizdik kósheleri arqyly 28 shaqyrym jol júrip, «Otan qorǵaýshy» alańyna kelip toqtady. Osy jerde elordalyq jastar Ekinshi dúnıejúzilik soǵystaǵy Jeńistiń 75 jyldyq mereıtoıyna oraı monýmentke 75 tal gúl shoǵyn qoıdy. Maıdangerlerdiń qurmetine taǵzym etti.

«Astana jastary» jastar resýrstyq ortalyǵynyń jetekshisi Shyńǵys Tileýlın memlekettik rámizder kúnine oraı elordalyq jastardyń mundaı sherý ótkizýi dástúrge aınalǵandyǵyn aıtady.

Endi sherýshiler Esil ózenine baryp, sol jerde sýda júzý quraldarymen 28 shaqyrymdy elimizdiń kók týyn jelbiretip ótetin bolady.