Rámizder kúni: Aqtaýda patrıottar forýmy ótti
«Mundaı forýmdar jastardyń patrıottyq rýhyn, elge-jerge degen súıispenshiligin arttyrýǵa úles qosatynyna senemin. Otan úshin aıanbaı eńbek eteıik! Elimizdiń kók týy álemdik arenada kókke kóterile bersin dep tileımin», - dedi Aqtaý qalasy ákiminiń orynbasary Nurtas Salı.
Forýmda spıker retinde Qazaqstan Halyq partııasy Mańǵystaý oblystyq fılıalynyń tóraǵasy Ábdirashıt Nııaz, «Respublica» partııasy Mańǵystaý oblystyq fılıalynyń tóraǵasy, qoǵam belsendisi Nurjigit Haırýllaev, aqyn, Aqtaý qalasyndaǵy №21 jalpy bilim beretin mekteptiń qazaq tili men ádebıeti pániniń muǵalimi Jumaǵúl Mursalova, jýrnalıst Quralaı Іzbasarova jáne aqyn, «Qoldaý» qoǵamdyq qorynyń joba úılestirýshisi Edilbek Dúısenov sóz sóılep, patrıotızm túsinigi jaıly óz oılarymen bólisti.
Forýmǵa ustazdar, JOO stýdentteri jáne áskerı qyzmetkerler qatysty.
Ás-shara barysynda oblystyń áleýmettik-ekonomıkalyq damýyna úles qosqan azamattar, áskerı qyzmetkerler men áskerı-patrıottyq qoǵamdyq birlestikterdiń ardagerleri jáne elge adal qyzmet etip júrgen azamattar marapattaldy.
Forým sońynda patrıottyq ánder shyrqalyp, kók týymyz kókke kóterildi.
