Ramıres Golovkınmen aıqasqa shyǵýǵa nıetti
ASTANA. QazAqparat - Meksıkalyq boksshy Hılberto Ramıres EsNews-ke bergen suhbatynda qazaqstandyq Gennadıı Golovkınmen rıngte kezdeskisi keletindigin bildirdi, dep jazady Sports.kz.
«Bul men úshin de, Golovkın úshin de, tipti barlyq jankúıerler úshin de keremet aıqas bolar edi.
GGG - ǵajap boksshy, men ony óte jaqsy bilemin, Árıne, men onymen jekpe-jekke shyqqym keledi»,-deıdi ol.
Hılberto Ramıres - 168 fýntta WBO nusqasy boıynsha álem chempıony.
Gennadıı Golovkınniń 160 fýntta ózin qyzyqtyrǵan aıqastardyń bárin ótkizgen soń osy salmaqqa kóterilýi kútilýde.
