Ramazan Orazov «Elimaı» komandasymen kelisimshart merzimin uzartty

ASTANA. KAZINFORM - Qazaqstan quramasynyń 27 jastaǵy tájirıbeli jartylaı qorǵaýshysy Ramazan Orazov resmı túrde «Elimaı» klýbynyń oıynshysy atandy.

Ramazan jańa maýsymǵa arnalǵan kelisimshartqa qol qoıdy. Ol ótken maýsymda Danııanyń «Sılkeborg» klýbynyń quramynda oınaǵan edi. Maýsymnyń ekinshi jartysynda «Elimaıǵa» jalǵa berildi. Semeılik klýbta fýtbolshy 820 mınýt alańda bolyp, 2 gol, 2 nátıjeli pasymen kózge tústi. 

— Turaqty ári nátıjeli oıyn órnegin kórsetken oıynshy jankúıerlerdiń senimine ıe boldy. Nátıjesinde klýb jazǵy transferlik kezeńde fýtbolshynyń kelisimshartyn tolyqtaı satyp aldy, — dep jazylǵan habarlamada.

Ramazan Orazov 1998 jyly Almaty qalasynda dúnıege kelgen. 2018 jyldan beri qazaqstandyq «Qaırat», «Aqtóbe», «Aqsý», «Tobyl», Latvııanyń «Daýgavpıls», Reseıdiń «Chaıka», Slovenııanyń «Koper» klýbtarynda oınady. 2024 jyldan beri Danııanyń «Sılkeborg» klýbynyń namysyn qorǵady. 

2021 jyldan beri Qazaqstan ulttyq quramasy sapyna 37 kezdesýde 1 gol soǵyp úlgerdi.
«Elimaı» klýby bıyl Qazaqstan Premer-lıgasynda 48 upaımen tórtinshi orynǵa taban tiredi. Aldaǵy jyly UEFA Konferentsııa lıgasynda baq synaıdy.

Buǵan deıin Temirlan Anarbekov fýtbol reıtınginde kósh bastaǵanyn jazǵanbyz.