Ramazan Orazov danııalyq klýb sapyndaǵy alǵashqy oıynyn ótkizdi

ASTANA. KAZINFORM – Qazaqstan quramasynyń jartylaı qorǵaýshysy Ramazan Orazov «Sılkeborg» sapyndaǵy birinshi oıynyn ótkizdi. 

Otandasymyz «Ýtreht» komandasyna qarsy joldastyq kezdesýde alańǵa qosalqy quramnan shyqty.  Oıyn 2:2 esebimen teń aıaqtaldy.

Aıta keteıik, Ramazan «Sılkeborg» komandasymen Nıderland jerindegi oqý-jattyǵý jıynyna qatysýda. Danııalyq klýb kelesi kezdesýin 9-shildede «PEK Zvolle» fýtbol klýbyna qarsy ótkizedi. 

Eske salsaq, Qazaqstan quramasynyń jartylaı qorǵaýshysy «Sılkeborg» komandasymen 2027 jyldyń maýsym aıyna deıin kelisimshartqa otyrǵan.